Grandma experience - addition by my sister

Tumhara blog padhe. Dr. v ke bare me pahle bhi padha tha, sach aise log isi duniya me hai jankar achcha lagta hai. tumhara dusra blog trishul wala logo ko padhna achcha lagega.

Waise ek bar aisa kuch hum bhi face kar cuke hai. indu phua ki sas ur ma hamari dadi ur nani yad hai tumhe? ramayan mahabharat ke kaphi salo bad ramanad sagar ka krishna deta tha. hamare yaha koi bhi regular nahi dekhta tha use. anni hi kabi kabi dekti thi. ek sunday ko dadi ur nani subah me 9 baje hamare yaha tv dekhne aayi per ussamay tv band tha. une bahut nirasha hui ki hum bhagwan krishna ke darsan ke samay tv band karke baithe hai.

khair tv khola gaya. sabse pahle dadi ne do agarbatti manga ur jalakar tv ki puja ki. phir tv ke uper hi stand lagakar use rakh diya gaya. phir wo dono jamin per baith gayi humne bahut request ki uper baithne ke liye per nahi mani.ulta hume hi phatkar pari ki puja ke samay upper baitha jata hai kya. lastly mat per jameen per hi baithi. sath sath hume bhi baithna para.

pure ek ghante dono hath jore tanmayta se tv niharti rahi. bich bich me unka facial expression dekhne layak tha. kabhi aankhe khushi ke aasuo se bhar jate to kabhi dust rakchsh ke uper gusse ka bhav. tv se jyada aanand to unhe dekhne me tha. ye silsila kai hufto tak chala. darasal light ki wajah se koi rukawat na ho isliye wo yaha chali aati thi. humne apni dadi ko to dekhne ka jyada mouka nahi mil paya per enhe hi dekhkar bara achcha lagta tha.